Mitsotakis, Zaevit: Unë personalisht nuk do ta nënshkruaja Marrëveshjen e Prespës

11:35 | 25 Shtator 2019
A. B.

Shefi i qeverisë greke, Kyriakos Mitsotakis, në takimin e djeshëm me kryeministrin Zoran Zaev në New York, i ka thënë se ai personalisht nuk do ta nënshkruante Marrëveshjen e Prespës.

Mitsotakis gjithashtu i ka thënë Zaevit se pas ratifikimit të marrëveshjes, ajo është bërë pjesë e të drejtës ndërkombëtare dhe se Greqia duhet ta respektojë, përcjell Telegrafi Maqedoni.

Mitsotakis e ka përsëritur pozitën e tij se si lider i opozitës ka bërë gjithçka që të mos nënshkruhet marrëveshja, ndërsa gjatë takimit në New York e ka ftuar Zaevit që të mos ketë vonesa lidhur me aspektet e marrëveshjes, sidomos në çështjen e shenjave tregtare.

Ndërsa Zaev e ka përsëritur vullnetin e Qeverisë së Maqedonisë së Veriut për të mos pasur vonesa, duke e theksuar edhe zbatimin e reformave për procesin integrues në BE.